SHILLONG: Meghalaya Assembly-ni speaker gitcham, Martin M Danggo February 27-o assembly election-rang ong·na skango mija Butbar-o BJP-o napangaha. Martin uni support-rang baksa Shillong Bivar Road-ni State Party Office-o BJP-o napaha.
Danggo, chang bonga changrangna MLA ong·gipako party-ni a·gipi kam kam ka·gipa dilgiparangni mikkango BJP-ni office-o cabinet minister Sanbor Shulai rimchaksoaniko dakaha. Shullai, Danggo-ko BJP-o napani gimino rimchaksoaha aro uamang a·dokni namroro-silroroanina aro kangal-cholgri manderangni janggi tanganiko tang·doatna ku·cholsan kamko ka·gen ine uamang aganaha.
BJP-o joljol napgipa gitcham MLA-rangni gisepo Danggo-an napgital ong·enga. Ua MLA-rang sakprakan ma·mongo aro bang·a a·dokrango BJP-ni namroro-silroroanina kam ka·anirangko u·i-ma·siani donggiparang ong·a. Ua MLA-rang sakprakan Prime Minister Narendra Modi-ni dilgipa ong·anio uamangni ka·dongna man·aniko agan-janapaha. Meghalaya-o dingtanganiko ra·bana man·chongmotgipa BJP-san ine ua ka·dongaha ine Danggo-ba aganaha.
