Shillong: Consumer-rangko togiani gimin Anjalee point-o donggipa petrol pump-o kam ka·giparangko KSU Laban Circle, sasti on·aha.
KSU-ni memborrang, customer-rangoniko badi ka·a-niko man·e petrol pump-ona re·ange am·sandianiko dakeaha. Petrol pump-o kam ka·giparang petrol chipna re·anggiparangna komie toko on·e togienga ine badi ka·tokaha.
KSU-ni koborna parakatani gita, fuel station-o dong-gipa pangna toko on·mi-tingo fuel meter-ko donnur-onga aro customer-rangko dingtang dingtang chol-rangchi togironga ine aganaha.
Iarangni gisepon petrol pump-o kam ka·gi-parango uamangni identy-ko mesokgipa document ba lekkarang dongja ine KSU aganaha. Uni gimin KSU memborrang, petrol pump-ni manager-na mikrakata-niko on·aha.
Minggipin customer-rangko togigipa mandeko kamoniko ra·galja ong·ode KSU, petrol pump-ko chipatna raken aganaha.
