TMC candidate Kazi, Rajabala seat-ko man·a ka·dongenga 

Rajabala: Trinamool Congress-na Rajabala seat-ko man·telaigen ine ka·donganiko parakate, Dr Mizanur Rehman Kazi, indine aganaha, “batang-gimin bilsi 5-ni somoio Rajabala-ni manderang bang·a dingtang dingtang neng·nikarangko cha-grongna nangaha, bilsi bongao maming develop dongja.”
Bilsi 2018-o Dr Azad Zaman, Congress ticket-o susae seat-ko man·aha. Indiba ua ka·tong sae siangahani ja·man ua seat-o by-election-ko ong·atao NPP-ni Abdus Saleh man·skaha.
Ia changde Rajabala seat-na UDP -ni Ashahel D Shira aro Saleh- uamangni gisepo Dr Kazi baksa bilake susagrikaniko nikna man·gen. Minggipin mni salo New Bhaitbari-o Dr Kazi-ni aganprakako knana bang·a manderang sok-tokaha.
“Anga jolni 90% biap-rangona sokaha, chinga raken campaign ka·enga aro je biapona re·anga ua jolni manderangni chakpaaniko man·enga, ine Dr Kazi aganaha.
“An·ching gimik biap-rangon ja·manchakenga, health, rama, aro employment-o namen ja·man-chakenga. Da·o ong·eng-gipa MLA, development-o maming kamkon ka·ja, election-o chena mangmang-san tol·e ku·rachaka, ine TMC dilgipa aganaha.
“An·chingo bang·a skia-pora donggipa chadam-berang donga uamangna chinga kamrangko bikote on·gen, una agreba health sector-ko namdapatna nangenga.”