SHILLONG: Chief Minister aro NPP National president, Conrad Sangma, re·baenggipa Assembly election-o NPP chu·gimik majority-ko chena re·mikkangenga, ine aganaha.
Election-na tarisoanio NPP-ni gimin sing·on, CM Sangma indine aganchakaha, “NPP, single largest party ong·gen aro chu·gimik majority-o chegen.”
Uandake TMC aro UDP-ni border pact-o aganani gimin sing·aon, “UDP, border pact-ni bidingo meeting tom·a, agangrika aro dingtang dingtang committee-ni bak ong·paa” ine aganchakaha.
“Mamlarang tom·tomangna a·bachengao mitam dilgiparangni politics kal·aniko nikon suk ong·ja. ine CM aganaha.
UDP, uamangni Assembly poll-na parakatgipa manifesto-o Assam baksa soi ka·gipa border MoU-ko nipiltaigen ine aganaha.
‘Minggipin golmal ong·e dongenggipa biaprangoni manderang TMC-ni border pact-ko ra·pilgen ine aganani gimin namniktokajenga. TMC sima ari jolo donggiparangna neng·nikaniko ra·bataigen. Simao meligrikgijaniko aditan namataha ba tom·tomataha, indiba TMC, ia mamlao politics kal·na jotton ka·enga.’
Indake ong·engon NPP-ni president, “NPP, a·doko tom·tomaniko rakkina kam ka·a, beben mitam jolrango obosta ong·aniko nikna man·aha indiba NPP-sa golmal ka·a ine ong·ja. Chinga pangnan tom·tomaniko rakkina jotton ka·a aro chingni worker-rangba kra bewalon niamrangko ja·rike kam ka·enga ine Sangma aganaha.
