SHILLONG: India a·songo Meghalaya a·dokan tangka jakkalsretbatsranggipa a·dok ong·a ine adita salrangna skang, Union Home Minister Amit Shah-ni Garo Hills-ona re·baani somoio, NPP-chi dilgipa sorkarini kosako matnanganiara, BJP-na pu·onchina manderangko didina gita election-na matnange agananisan ong·aia ine a·dokni Chief Minister aro NPP-ni national president Conrad K Sangma a·kangataha.
India a·songni pilak biaprangon election-ko ong·atani somoirango BJP, iandake dolgipinrangni kosako matnanganirangko dakronga ineba ua parakataha.
Batanggimin bilsi bongana a·dok sorkariko chalaianio BJP-ba NPP-chi dilgipa sorkarini bakan ong·achim ineba ua aganaha.
Sangma-ni parakatani gitade, MDA sorkariko chalaiani somoio opposition dolrangni matnanggipa pilak kamrangni giminan sandirokanirangkoba dakatahachim.
Ia inquiry-ni report-rangko maina chapa ka·gija donchipaha ine sing·on, ia report-rangko manderang nie ra·na gita man·aiachim ine chief minister parakataha.
COVID-ni tangka paisarangko jakkalsreta ine matnangenggipani gimin sing·skaon, iandake matnanganiko ua jegalatenba, iani bidingo ma·sie ra·na gita manderang RTI ka·na man·aigen ine Sangma parakataha.
A·doko niam gri koela bikotaniko champengna man·jaengani gimin aro High Court-ni matnanganirangni gimin janapatskaengon, a·doko bilsi ritchagni batpile koela a·damni nokgiparang, koelarangko bikotahani gimin iandakgipa kamko champenganiara namen neng·ani ong·aha ine chief minister parakataha.
Ia Assembly election-o NPP, bang·bate seat-rangko chena sienga ineba NPP-ni national president, an·tangni ka·dongchakenganiko parakattaiaha.
NPP sorkarini kosako Amit Shah-ni matnanganiko election-na ‘dakmikanisan’ ine Conrad a·kanga
Date:
Share post:
