SHILLONG: Sukrobar salo, a·songni Prime Minister Narendra Modi, Meghalaya a·dokni skotong Shillong songjinmaona re·bae, Bharatiya Janata Party (BJP)-na manderangko salna gita re·jomangaha.
Road show-o bakko ra·angani ja·man ua Shillong songjinmani Khyndailad (Police Bazar)-o ong·atanggipa BJP-ni tom·bimonganioba bakko ra·e jinmana aganprakangaha. Ia tom·bimonganio Prime Minister, jinmana aganprakangengon, badiaba badiaba political dolrang Meghalaya a·dokko ATM gita jakkale, a·dokni gam-jinrangko ra·e kataha ine matnangataha.
Meghalaya a·doko nokdang ge·sanchi sason ka·aniko bon·atchina didiangengon, Meghalaya a·doko BJP sorkariko seokgenchimode ua Delhi-oni Meghalaya a·dokni manderangna dangdike on·na man·aigenchim ine Prime Minister Modi parakataha.
Ian skang, Prime Minister-ni re·jomani (Road Show)-ko State Central Library-oni Khyndailad-ona ong·atangaha, jeon ua ramarango nisoenggipa manderangko jakripripe salam ka·angaha.
Ia chang Meghalaya Assembly election-o BJP, a·dokni dam 60 seat-rangon susaengachim ine nikna man·a.
