SHILLONG: Robibar salpaksachibara, Ri Bhoi a·jani Sumer-o cement salgipa truck garichi salgakako man·e gari bolsani manderang, a·sel ong·gipa biapon sikamaha.
Kobor on·timgiparangni u·iatani gitade, Robibar attamni 2:30 bajimango, Jowai-chipakni Guwahati-chipakna cement salangenggipa WB-41G 7628 truck gari bolsa, ta·rakdugae re·baenba mikkangchipakni re·baskaenggipa Bolero gariko salgakeaha. Ia Bolero gariara, Shillong-chipakna re·angskaengachim.
Truck garichi salgakeako man·e, ia Bolero gari baditaba chang dake roromangenba ja·mano, ramako kapenggipa pakmao chagakeaha aro uandaken ia garini sakdok manderang ua biapon sikamaha ine kobor on·timgiparang parakataha.
Kobor on·timgiparangni u·iatani gitade, ia gario sianggipa mande sakdokoni sakgittamde me·asarang aro sakgittamde me·chikrang ong·achim aro ia manderangara, Assam a·dokni missionary skulo kam ka·enggipa manderangsa ong·achim.
Ia truck garini driver aro handyman-ba bewalan saknaanirangko man·aha aro uamangko sanna gita hospital-ona watataha ineba kobor on·aha.
Ia a·selni bidingo police-rang sandirokaniko dakataha.
Ri Bhoi a·jao truck garichi su·gakako man·e gari bolsani sak 6 manderang sia
Date:
Share post:
