2023 bilsini Assembly election-o NPP dam 26 seat-rangko chea

TURA: Ia 2023 bilsini Assembly election-o National People’s Party (NPP) gimik dam 26 seat-rangko chee bang·bate seat-rangko chegipa dol ong·aha.
Ia dam 26 seat-rangoni dam 18-kode Garo Hills-o aro dam 8-kode Khasi-Jaintia Hills jolrangoniko chena man·aha.
Garo Hills-o gimik dam 24 Assembly constituency-rang gnang aro ia dam 24 constituency-rangoni dam 18-ko NPP chegopna man·aha. Garo Hills-o bangki dongenggipa damdok constituency-rangoni dambriko Trinamool Congress (TMC) chee, damgnioni damsako Indian National Congress (INC) aro damsakode Independent candidate cheangskaaha.
Ia chang Garo Hills gimiko Independent candidate-rangoni Baghmara constituency-osan chena gita man·aiaha aro uan Kartush R Marak ong·achim.
Garo Hills-ni dam 18 constituency-rango cheanggipa NPP-ni candidate-rangara, Resubelpara-o Timothy D Shira, Mendipathar-o Marthon J Sangma, Kharkutta-o Rupert Momin, Dalu-o Brening Sangma, Rongara-Siju-o Rakkam A Sangma, Raksamgre-o Limison D Sangma, Tikrikilla-o Jimmy D Sangma, Mahendraganj-o Sanjay A Sangma, Salmanpara-o Ian Botham K Sangma, Chokpot-o Sengchim N Sangma, Williamnagar-o Marcuise N Marak, Rongjeng-o Jim Sangma, South Tura-o Conrad K Sangma, North Tura-o Thomas A Sangma, Rangsakona-o Subir Marak, Selsella-o Arbinstone Marak aro Phulbari constituency-o AT Mondal ong·a.
Khasi-Jaintia Hills jolrango damchet seat-rangko cheanggipa NPP-ni candidate-rangara, Umroi-o Damanbait Lamare, Sutnga-Saipung-o Santa Mary Shylla, Raliang-o Comingone Ymbon, Pynursla-o Prestone Tynsong, Nartiang-o Sniawbhalang Dhar, Jowai-o Wailadmiki Shylla, Jirang-o Sosthenes Sohtun aro East Shillong constituency-o Mazel Ampareen Lyngdoh ong·skaa.