NEW DELHI: Chief Minister, Conrad Sangma mijalo Union Finance Minister, Nirmala Sitharaman-ko New Delhio grongeaha.
Official koboro parakatani gita ian grong-namsangeasan ong·aia. Chief Minister, jean gnigipa changna Finance portfolio-koba jako ra·enga, ua Ma·mong aro A·dokni dolsa joint forum GST Council-koba dilenga.
“Chinga MDA 2.0-ko gnigipa changna rikchakatengani gimin Meghalayani namroro-silrorognina chinga uni dilaniko aro uni Ministry-ni dakchakaniko nichakenga” ineba Pa Sangma aganaha.
Unomitingo, Assembly poll-rang dongani gimin board porikkarang da·o mangmangsa ja·manchake matchotani gimin a·brini a·dokkode CUET-oniko watchangchina gitaba Pa Sangma mol·molaha. A·dokni chatro chatrirang CUET seanio neng·nikanirangko chagrongenga ineba chief minister, Union Education Minister Dharmendra Pradhan-na seatgipa chittio janapaha.
UG course-rangna admission-ko ra·engon, CUET 2023-ko sena nanggen ine Meghalaya Board of School Education (MBOSE), Class 12-ni chatro chatrirangna u·iataniko on·manahachim.
Chief Minister Conrad Sangma, jean da·omiting New Delhio ong·engachim, Deputy Chief Minister Prestone Tynsong baksa mijalo Indiani President Droupadi Murmu-koba grongeaha.
