Shillong: MPCC chief, Vincent H Pala, ‘Meghalaya Legislative Assembly-o Leader of Opposition-ni biapko Congress-na on·na nanga’ ine aganaha.
Sonibar salo The Shillong Times-ni kobor ra·timgiparang baksa agangrikangao Pala, indine aganaha, “Opposition-rang Congress, TMC aro VPP dolgittamoni darangba LO-ni post-ko a·kangna man·jawa.”
Trinamool Congress aro Congress baksa sakbongaprak MLA-rang donga, Voice of People Party (VPP) baksa sakbri MLA-rang donga.
“Angni u·iani gitade, Leader of Opposition-ni biapko Congress-na national party ong·ani gimin on·na nanga. Indiba iani bidingo Assembly-ni Speaker-sa bon·kame tik ka·gen, ine MPCC chief aganaha.
Indake ong·engon Assembly-ni Speaker Thomas A Sangma, Leader of Opposition-ni post-ko sana on·gen iani gimin legal expert-rang baksa agangrikenga.
“LO post-ko sana on·gen iani bidingo legal expert-rang baksa agangrikaha. Uamang baksa agangrika matchota ja·mansa jinmana u·iatgen ine Speaker aganaha.
Minggipin da·onan darang Opposition dolrangoni angko grongna re·baa dongkuja ineba talataha.
Indake ong·engon LO dongja ong·ode Opposition-ba dongjawa, indiba Opposition-rang bakrima ong·ode uamang baksa komibeoba sak 10 MLA-rang dongna nanggen. Ian House-ni niam ong·a ine Assembly Speaker aganaha.
