SHILLONG: Sombar salo, Meghalaya a·dokni gital Health Minister Dr Mazel Ampareen Lyngdoh, Health department-ni kamrangko nipilna gita dingtang dingtang official-rang baksa tom·aniko ong·atangaha aro ia tom·anio health official-rang, a·doko songdongenggipa manderangni an·seng baljokanina ra·gate ka·enggipa dingtang dingtang kamrangni bidingo Health Minister-na agan-talate on·angaha.
Ia tom·anio Health department-ni dingtang dingtang official-rang Health Minister-na agan-talate on·angengon, batanggimin bilsirango department-ni chu·sokatgipa kamrangni gimin, Megha Health Insurance Scheme (MHIS)-ni ning·o outpatient department (OPD)-na ra·gatgipa kamrangni gimin, Meghalaya Health Systems Strengthening Project, Meghalayan Medical Drugs & Services, Meghalaya Medical Services Recruitment Board, Rescue Mission aro Digitisation & Technolgu-rangni gimin talate on·angaha.
Ia tom·anio Health department-ni Principal Secretary P Sampath Kumar, Meghalaya Health Policy 2021-ni giminba Health Minister-na agan-talate on·angaha.
Department-ni gita kamrangko ka·anio maidakgipa neng·nikanirangko chagrongna nangengachim, uarangni giminba Health official-rang, a·dokni gital Health Minister talate on·angaha.
Ja·mano Health Minister Ampareen Lyngdoh-ba Health official-rangna aganprakangskaengon, manderangna an·seng baljokaniko on·na gita rakbee kamrangko ka·engni gimin Health department-ni official-rangko mittelpilangenba, uamangni pilak kamrangon sorkarini gita dakchakanirangko on·gen ine ku·rachakaniko on·angaha.
Ia tom·anio dongpae bakko ra·anggipa gipin manderangara, Health department-ni Secretary RM Kurbah, Secretary Ramkumar S, Deputy Secretary Twinkle Marak, DHS(MI)-ni Director Dr HC Lyndem aro gipinrang ong·a.
Health dept-ni kamrangni bidingo Health Minister-na talate on·anga
Date:
Share post:
