SHILLONG: Meghalaya a·doko ru·utbea bilsirangoni matchotgija dongenggipa power project-rangko a·dok sorkari gital dake nipiltaigen ine Bristibar salo, a·dokni Power Minister Abu Taher Mondal parakataha.
MeECL aro Power department-ni officer-rang baksa tom·e chanchirimani ja·man kobor ra·timgipa manderang baksa agangrikengon, ia power project-rangoni bang·batan 2010-2011 bilsirangonin matchotgija dongkuengani gimin uamang ia project-rangni gimin name am·sandichengna nanggen ine Mondal parakataha.
Power Minister-ni parakatani gitade, ia power project-rangko kam ka·na gita je dolrang baksa sorkari, MoU-o soi ka·grikahachim, uandakgipa dolrang baksa sorkari agangriktaigen.
“Ia project-rangko jako ra·na sikjaenggipa dolrang donggenchimode chinga iandakgipa company-rang baksa songgigrikaniko den·galpile gital company-rangko okamtaina nangnaba gnang,” ine Mondal aganaha.
A·doko bangki dongenggipa power project-rangoni mitam private power company-rang baksade 2007 bilsirangonin soi ka·grikahachim ine nikna man·a.
Bangki dongenggipa power project-rangko gital dake nipiltaigen: AT Mondal
Date:
Share post:
