TURA: Re·anggipa Budbar salo, Dadenggre kal·chakramo mega health camp-ko ong·atangenba, manderangni mikronrangko porikka ra·e sanna bananirangko on·angaha.
Ia mega health camp-ko ong·atanio Dadenggre Civil Division-ni SDO Abhishek Gowda MJ, mongsonggipa sokgipa ong·e bakko ra·angaha aro unbaksana Dadenggre CHC-ni Leprosy Inpector, Bakdil-ni Director aro gipin officer-rangba dongpae bak ra·angtokaha.
Ia mega health camp-o dingtang dingtang biaprangoni gimik sak 288 manderang, bimingtangtangko segate bak ra·angaha aro uamangna Shillong, Tura, Williamnagar aro Dadenggre-ni medical dolrang, sanna bananirangko on·angaha.
Ia program-ko Gram Seva aro SBI Foundation-ni dakchakanichi Bakdil dol ong·atangaha.
