SWGH-o 28 Bn BSF-ni Civic Action program-ko ong·ata

TURA: Sukrobar salo, 28 Battalion BSF dolni gita Civic Action Program-ko South West Garo Hills a·jani Mahendraganj songo ong·atangaha aro ia program-ko ong·atanio South West Garo Hills a·jani Deputy Commissioner Gideon Kharmawphlang, BSF-ni official-rang aro songni nokni manderangba bakko ra·angtokaha.
Ia Civic Action program-ni bak gita dingtangmancha free medical camp-koba ong·ataha, jeon dingtang dingtang biaprangoni medical officer-rang re·bae, songni nokni manderangna indin sanna bananirangko aro samrangkoba suale on·angaha.
Ia program-ko ong·atanio chadamberangna kal·susaani bosturang, game ge·e cha·giparangna gama ge·ani aro chi tengkirangko aro chatro chatrirangnaba dingtang dingtang bosturangko BSF-ni sipairang suale on·angaha.
Ia program-ko ong·atanio South West Garo Hills a·jani sima jolrango donggipa dingtang dingtang songrangoni sak 500-mangni gita manderang re·bae bakko ra·angaha aro dingtang dingtang namgnirangkoba man·angaha.
Ia program-ko ong·atanichi songni nokni manderangna pilak nanga dakchakanirangko on·ahani gimin songni manderang, 28 Bn BSF-ko mittelpilangaha.