SHILLONG: Assembly-ni Budget Session-ko a·bachengatani salo, a·dokni Governor Phagu Chauhan-ni Hindi ku·sikchi aganprakaniko jegale Voice of the People’s Party (VPP)-ni MLA-rang, Assembly-oni ong·katgrime kataha.
Governor-ni Assembly-o Hindi ku·sikchi aganprakaniko jegalatengon, Meghalaya a·dokara Hindi ku·sikko agangipa a·dok ong·jani gimin a·dokni manderangko India sorkari, Hindi ku·sikko drae jakkalatna man·jawa ine Nongkrem-ni VPP MLA Ardent Miller Basaiawmoit parakataha.
Ian a·doko songdongenggipa manderangni kosako re·ani gita ong·enga ine janapatengon, a·dokni manderang iandake drae jakkalatgipa ku·sikko ra·chakna man·chongmotjawa ine Basaiawmoit aganaha.
Assembly-o Governor-ni aganprakaniko jegalahani gimin a·dokni Chief Minister Conrad K Sangma, suk ong·gijaniko parakatskaengon, VPP MLA-ni iandakgipa bewalko Assembly-o nikna ka·dongjachim ine parakataha.
Governor-ni aganprakaniko English-chi see, Assembly membor-na on·ahani gimin Assembly-ni Speaker Thomas A Sangma, Governor-ko Hindi ku·sikchi aganprakna on·aiahachim.
Indake ong·engon, Meghalaya a·dokni bang·bata manderangan Hindi ku·sikko ma·sigiparang ong·ja aro iani bidingo India sorkariko ma·siatna nangchongmotenga ine NPP-ni MLA aro Cabinet Minister Ampareen Lyngdoh parakatskaaha.
Assembly-o Governor-ni Hindi-chi aganprakanggipa bidingo janapatengon, Governor-ni aganprakaniko English-chi see MLA-rangna on·ahaoba mitam MLA-rangde uni agananirangko ma·sitokjaha ine Lyngdoh parakataha.
Lyngdoh-ni aganani gitade, a·dokni Tribal manderangara Hindi ku·sikko jakkalgijagipa jatrangsa ong·ani gimin India sorkarina iani bidingo u·iatna nangchongmotenga.
Budget Session-ni skanggipa salo Guv-ni Hindi-chi aganprakaniko jegale VPP MLA-rang ong·katgrima
Date:
Share post:
