U·IATTIMGIPAONI
Nongpoh: Central Reserve Police Force-ni 67-gipa Battalion, uamangni Civic Action Programme (CAP)-ni bak gita, uamangni Commandant Alok Bhattacharya, mijalo Ri Bhoi District, Marngar, Purangang-o Seng Khasi Primary School-ni skul nok gital taritaigipako oprake on·angaha. Ua programme 67-gipa Battalion-ni gnigipa Command, Ajay Kumar, Seng Khasi Primary School-ni Principal, Miliancy Khongwet, Sankardev Secondary-ni Vice Principal, Arundhati Paul aro ge·gni skulrangni skigiparang aro chatro-chatrirang dongpaaha.
67-gipa BN CRPF-ni Commandant ALok Bhattacharya programme-o aganao, jatna uamang jeko dakna bil ama uko dakchakna songpanggiparangchi uamang aganako man·aha aro mingsa indakgipa mol·molani skulko taripiltaina ong·achim. “Rasong gnange chinga chingni de·e ra·angako sorkari ra·chakanina chinga namen kusi ong·beaha aro ia project-na chinga an·tangtangan a·bachengatna man·aha. Ru·utgijani somaini gisepon chinga dingtang dingtang class roomrangko tarina man·aha aro indake cia a·jolni chadamberangna aro manderangna ia re·baenga salrango dakchakani ong·chongmotgen,” Bhattacharya aganaha.
Uamang kamko a·bachengahaon manderang gisik nangbeaha aro project-na tangka-paisa on·anio dakchakaniko on·dapaha. chel·chakgipa dolrangoniko aro manderangoniko tangka-paisa ba bosturangko man·e uamang ru·utgijaan kamko matchotatna man·aha, Bhattacharya aganaha.
Ua salo, CRPF-ni 67-gipa Battalion, Civic Action Programme-ni bak gita of the CRPF Sankardev Secondary School Marngar-na kal·susaani bosturangkoba on·ataha.
