U·IATTIMGIPAONI
Ampati: District Transport department, South West Garo Hills District Police aro gipin department-rang baksa bakrime March 20 tarikon March 25 tarikona Road Safety Week-ko ong·atangaha.
Antigimikna ong·atgipa road safety pogramme-o district-ni dingtang dingtang biaprango pamphlet-ko sualangaha, jeon road safety-ni gimin skie agane on·angaha.
Uandake district police baksa garirangko checking ka·aha, una agreba gari salgiparangna eye checkup ba mikron checkup ka·aniko Ampati Police station-o ong·ataha.
Mni Sukrobar salo Ampati Police Station aro Thakuranbari-ni Mir Jumla junction-o programme-ko ong·ataha. Indake Sonibar salo Ampate Degree College-o road safety-ni gimin awarness programme-ko ong·ataha. Jeon college aro school-ni bang·a chatro-chatrirang bak ra·angaha.
Road Safety Week-ko maniani bak gita ramao gariko simsake gari chalaini gimin awareness ba u·iataniko on·angaha.
