Shillong: Gitcham Home Minister, Lahkmen Rymbui-ko Meghalaya sorkarini Chief Adviser seokaha. NPP-ni dilenggipa MDA 2.0 sorkari, sak 21 political dilgiparangko dingtang dingtang department-rango chairmen, co-chairmen aro adviser-rangko songataha.
Gitcham Assembly Speaker, Metbah Lyngdoh-ko Meghalaya State Planning Board-ni chairman seokaha.
Gitcham Cabinet Minister-rang- Banteidor Lyngdoh-ko Meghalaya sorkarini Agriculture & Farmers Welfare department-ni adviser songaha. Sanbor Shullai-ko Meghalaya Tourism Development Corporation Ltd.-ni chairman seokaha.
NPP MLA-rang jemangkon gital post-rangna seoktokaha- uamangara: LD Sangma (Meghalaya Resources & Employment Generation Council-ni chariman), JD Sangma (Meghalaya Economic Development Council-ni chairman), Jim M Sangma (Forest Development Corporation Ltd-ni chairman), IBK Sangma (Government of Meghalaya on Forest department-ni advisor), Brenning A Sangma (State Government Programme Implementation & Monitoring Committee-ni chairman), AB Marak (Meghalaya State Development Resource Commission-ni chairman), PR Marak (State Level Public Grievances Committee-ni chairman), RG Momin (Meghalaya Mineral Development Corporation Ltd-ni chairman), Rupert Momin (Meghalaya New & Renewable Energy Development Agency-ni chairman), MJ Sangma (power department-ni adviser) aro Subir Marak (Meghalaya Khadi & Village Industries Board-ni chairman).
UDP MLA-rang: Mayralborn Syiem-ko Meghalaya State Health Advisory Board-ni chairman seokataha, Pius Marwein-ko Meghalaya Government Construction Corporation Ltd-ni co-chairman seokaha. Mathew Beyondstar Kurbah-ko Meghalaya State Planning Board-ni co-chairman seokataha.
PDF Sohra MLA, Gavin Mylliem-ko Health department-ni adviser aro independent legislator Kartus R Marak-ko Meghalaya Government Construction Corporation Ltd.-ni chairman seokaha.
