TURA: Mongolbar salo, Tura Don Bosco College-ni Internal Quality Assurance Cell (IQAC), NEHU Tura Campus-ni ning·o donggipa College Welfare & Advisory Committee (CWAC) baksa nangrime, Tura Don Bosco College-o 6th Semester Commerce aro Science-ni chatro chatrirangna, Common University Entrance Test (CUET)-o chu·sokgipa ong·ani cholrangko agan-talate on·na gita salsani workshop-ko ong·atangaha.
Ia workshop-ni skanggipa session-o CWAC-ni Chairman aro Rural Development & Agriculture Products (RDAP) Department-ni Associate Professor Dr Binu Mathew, chatro chatrirangna agan-ku·pattie on·angengon, CUET-ara chatro chatrirangna namgipa chol gitasa ong·a ine ia porikkana ta·raken an·tangtangko register ka·china didiangaha.
Uni ja·man, NEHU Tura Campus-ni ning·o donggipa Education department-ni Professor Nikme Salse C Momin, gipin session-ko ra·angskaengon, National Educational Policy (NEP) 2023, Continuous Assessment-ni gimin aganangenba, CUET-ara chatro chatrirangni skie ra·aniko nipilani chol ong·a ine parakangaha.
CUET-o nambate dakna jotton ka·china aro an·tangtangna on·enggipa cholrangko ra·china gitaba uamang sakgnian, chatro chatrirangko didiangaha.
Iana skang, rimchaksoani kattarangko Tura Don Bosco College-ni Principal Fr Bivan Rodriques Mukhim aganangaha aro ia program-ko ong·atani bidingo IQAC-ni coordinator Dr Barbara S Sangma talate on·angskaaha.
Bon·kamao mittelpilani kattarangko CUET-ni Nodal Officer Dr Colnat B Marak aganangaha.
CUET-o chu·sokgipa ong·ani cholrangko DBC-ni chatro chatrirangna skie on·a
Date:
Share post:
