SHILLONG: Roster System-ni bidingo High Court-ni rai on·gipani gimin Congress Legislature Party (CLP), mikkang antio tom·e chanchirimgen.
“CLP-ni tom·aniko ong·ataniosa chinga jekoba chanchigen” ine CLP dilgipa, Ronnie V. Lyngdoh Butbaro aganaha.
Ia Roster System-ni bidingo niatgenchimode, Meghalaya-ni High Court jeko rai on·achachim, ong·akon dakaha ineba ua aganaha.
Lyngdoh said that the party will insist that the roster system should be implemented prospectively.
“Bebegita Sorkari, ia Roster System-ko gitcham bilsirangoni ja·rikgenchimode, ian Khasi-Jaintia Hills-ni kam sandigiparangnade gimaani ong·gen,” CLP dilgipa aganaha.
Sorkari jeko tik ka·genchimoba dolgninan namgniko tik ka·gen ineba ua aganaha.
Congress-ba, iani bidingo chanchirimna gita special session-ko ong·atchina dabigenma ine sing·anina aganchakengon, chingni gita jeko CLP tom·aniosa chanchigen, Congress dilgipa aganaha.
Unaskang Mongolobaro, Meghalaya High Court-ni ia Roster System-ni bidingo ge·etaniko on·gipani bidingo damsan chanchigrikna gita Special Session-ko ong·atna nanga ine Voice of the People Party (VPP), Chief Minister Conrad K. Sangma aro Assembly Speaker Thomas A. Sangma mangko mol·molna chanchie donmanahachim.
Party, iani bidingo uamangni central executive committee (CEC) tom·anio chanchie donahachim.
Ian mingsa policy matter ong·a ine aganenba, ia roster system-ni bidingo chanchina nambatgipade Legislature aro Executive-an ine High Court pakwate on·ahachim.
