SHILLONG: Ramakrishna Mission Vivekananda Cultural Centre Sonibar salo 99-gipa batch-ni computer trainee aro language -ni 38-gipa batch-na certificate distribution ba certificate-ko sualani programme-ko ong·atangaha.
Programme-o Computer aro Language-ni student-rangna king 500 certificate-rangko suale on·angaha. Ramakrishna Mission, Shillong, bilsiprako sak 6000 chadamberangna Computer subject-ko skie on·a.
February-March 2023 Session-ni trainee-rangna convocation-ko ong·ataha, computer subject-o training ra·gipa 99-gipa batch-o sak 700 chadamberang dingtang dingtang a·dokrangoni donga.
Women’s College-ni Lecturer Dr Moushumi Dey, programme-o chief guest ba mongsonggipa sokachakgipa ong·e bakko ra·angaha. Dr Moushumi, chadamberangna aganprakatmitingo, Ramakrishna Mission-o skie ra·na cholko man·anina rasong chana nanga ine aganaha. Institute aro poraigiparang salprakprak gital gital skie ra·anirangko man·e gisik seng·batrikrika. Da·oni chasongo school ba college-ni education baksa skills education gamchata. Uni gimin computer aro language-ko skie ra·aniara janggi tanganio gamchata ian mikkangchi kamko man·aniao dakchakgipa ong·a.
Indake Institute-ni Deputy incharge Vairagyachaitanya Maharaj, gimik chadamberangna nama sikaniko on·aha aro mikkangchi janggi tanganio Swami Vivekananda-ni skie on·giminko ja·rikchina didiangaha.
