TURA: North Garo Hills a·jani Wageasi samba jolo donggipa Manda chiringoniko niam gri an·cheng kitengani gimin matnanganirangko dakengon, ia chiringoniko niam gri an·cheng kitanio rama tarienggipa Guwahati-ni Midas Constructions company jak donga ine kobor on·timgiparang parakataha.
Manda chiringoniko niam gri an·cheng kitenggipani bidingo sandirokani report-rangna sengkuengon, ia jolo PMGSY ramako tarienggipa Midas Construction company-sa chiringoniko niam gri an·cheng kitenga ine kobor on·timgiparang parakataha.
Kobor on·timgiparangni parakatani gitade, ia jolo PMGSY ramako tarienggipa company, 7th Mile sambao donggipa NH-62 ramao a·tipko songenba, Manda chiringoniko dal·dalgipa ostrorangchi an·chengrangko kitengachim.
Ia chiringoniko an·cheng kitna gita ia company, darang department-rangonikon permission-koba ra·chengajahachim ine Forest official-rang parakataha.
Iani bidingo Forest official-rang, sing·sandianirangko dakon, songni nokmaba ia biaponiko an·cheng kitani bidingo maming ma·sianirang dongja inesa aganchakaiahachim.
Koborko man·soani ja·man Forest official-rang, ia biapona re·angon, ia biapo an·cheng kitna jakkalgipa pilak ostrorangba gimasoskaahachim.
“Ia chiringoniko niam gri an·cheng kitengani gimin chinga sandirokanirangko dakengkua aro chingni sandirokanirangko matchotkujaskal darangkoba ia biapona re·bae an·chengrangko kitjachina mikrakataniko on·aha,” ine North Garo Hills a·jani DFO Satish KS parakataha.
Ia biaprangoniko iandake dal·dalgipa ostrorangchi an·chengrangko kitengani a·selan ka·ma jolrango songdongenggipa manderangonade chirang komibatesa jokangengaha aro uandaken manderang neng·nikanirangko chagrongna nangtokengaha ine nikna man·engachim.
Manda chiringoniko niam gri an·cheng kitanio rama tarigipa company jak donga
Date:
Share post:
