Ampati: Drug badinga aro jakkalaniko champengna kam ka·anio South West Garo Hills (SWGH) police, Sonibar salo Monabari outpost-ni ning·o ga·akgipa song Mir Jumla-oni Chakeawat Hussain-ko rim·aha.
Assam Mankachar PS-ni ning·o ga·akgipa Chamabil-o donggipa Hussain, grocery store ba dokanko done, ua dokanoni Garo Hills-ni dambonga district-rangona drug-ko sokataha.
Police-ni parakani gita, April 21 tariko kobor man·e police-rang Hussain-ko sandina operation ka·aha.
Indake am·sandiao, 689 SPSHEN capsules (Tramadol Hydrochloride salt content – 34.45 grams) aro 113 Nitracel tablets (Nitrazepam salt content – 1.13 grams), ge·sa smart phone aro tangka gong 5,000-ko man·aha.
“Dos dakgipa mande, uni grocery dokanon drug-ko done palaha. Police-rang dos dakgipani dokanko chipataha. Aro NDPS Act-ni gita mamlako segataha ine district police officer Vikash Kumar, koborna u·iataha.
