SHILLONG: Ru·uta sal somoirangni ja·man Meghalaya a·doko mande saksa COVID-19 man·e siangtaiaha ine Sukrobar salo, a·dokni Health Minister Ampareen Lyngdoh parakataha.
Iani bidingo kobor ra·timgiparangna parakatengon, da·o dipet a·dok sorkari, manderangna niamrangko ra·gatna miksonganirang dongkuja indiba a·doko songdongenggipa mande sakantian, COVID-ni niamrangko ja·rikna nanga ine Lyngdoh didiataha.
Ia sal somoirango manderang mask-rangko gantokjaengahani gimin jinmani biaprango ong·engon, mask-rangko ganjringchina aro saksa sakgipinoni chel·tanggrike dongchina gitaba Health Minister ku·pattiataha.
Indake ong·engon, a·doko manderangna tikarangko su·ani bidingo chanchirimna gita re·baenggipa antio, a·dokni Chief Minister-ni dongpaanio dingtangmancha tom·aniko ong·atanggen ine Lyngdoh parakataha.
A·doko COVID-ni obosta namjabatrorona nanggenchimode skango COVID-na kuligimin nokrangkon jakkaltaina gita da·o tarimanaha ineba Health Minister parakataha.
