SHILLONG: Sal brina ong·atenggipa North East Regetta 2023-ko Umiam Watersports Complex-o mijaloni a·bachengaha, re·baenga sal gittamna joljol ong·atangna tariengaha.
Susaaniko Tourism Minister, Paul Lyngdoh oprake on·angaha ua susaanio dol 12 club-rangko man·chape India gimikni a·dok dam 10-oni sak 100-mang bakko ra·giparangko nikanggen.
Indian Army aro Naval Services-oni dolrangba bimchipen bakko ra·angenga.
North East Regetta 2023, Meghalaya-o ia rokomni skanggipa club Umiam Sailors Club baksa nangrime tourism department-ni a·bachengatgipa project mingsa ong·a.
Ia Regatta-ko diving parasailong aro gipinrangna sailing aro gipin chio susaanirangko nambatatna miksonge ong·atenga.
Tourism minister Paul Lyngdoh kobor ra·timgiparangna aganao tourist re·bana aro kutturio dongnasan ong·sija indiba gipin gipin susaanirangko ja·rikangna tourism-ni ning·o didina miksong-chanchiani ong·enga ine aganaha.
“Iano yacht aro lake cruise-koba chinga parakatgen maina ua susaanirang tourism-ko nambatatgen aro ua a·bakku nokdang ge·antina on·a man·gen,” Lyngdoh aganaha.
“Meghalaya re·baenga bilsirango a·songni gadango chio susaani-rangko soka chakna skenga. Indakgipa susaani ia gadango ia susaanio chingni chasong damberangko miksongatna man·gen. Ua Tourism Department-ko ia namgipa kamna mittelaha maina gadang gipinona Meghalaya-ko tang·doata-ni ong·gen,” ua agandapaha.
Regatta-o April 29 aro 30-o music concert-rang baksana ring chosusaani-rangko nikgen uno a·dok-tang, a·songtang aro a·songgipini git ringgipa-rang namen an·soatgen.
Uno excursion-rang, cha·ani aro bajar aro sailorrangna aro tourist-rangna songreanina tangka-paisa, paintball, camping spots, aro nitogipa Umian-o ringrang donggen.
Sukrobar-ni concert-o K-Pop artiste Kim Woojin, South Korea-oni donggen gnigipa salo 2 showcase Delhi-ni band Twin Strings headlining act donggen. Adita gipin apsangipa changgipa-sapgipa aro artiste-rang jedake Lynx, Ricaa Stella, Banrap, Rum & Monkeys, LB3, Young Natee, Larger Than 90, aro DJ Favian-maangba line-o ong·enga.