SHILLONG: Meghalaya a·doko koela bikotenggipa mande sakbrini mining lease-rangko India sorkari ra·chakmanahani gimin a·doko niamo pangchake koela bikotaniko a·bachengna kamrang matchotangengaha.
Iani bidingo a·dokni Chief Minister Conrad K Sangma, Sohiong constituency-o NPP-ni candidate Samlin Malngiang-na campaign-ko ka·engmiting somoio jinmana parakatengon, a·doko niam gita koela bikotaniko a·bachengna nangchongmotgipa lekkani kamrangko da·o sal 60-ni gisepon matchotgnok ine parakataha.
Koborko on·ani gitade, ma·mong sorkarini ra·chakgipa mining lease-ni koela nokgiparangara, Khliehriat-o koela a·dam donggipa Nehlang Lyngdoh, Ranikor-ni Kalagaw-o koela a·dam donggipa Maksing Sibren Nongbri, Byndihati songo koela a·dam donggipa Thomas Nongtdu aro Nongstoin-o koela a·dam donggipa Wenni Diengngan ong·achim.
Meghalaya a·doko niam gri koela bikotaniko National Green Tribunal (NGT)-ni gita champengatahaoba da·o niamo pangchake koelarangko bikotna gita uni sorkari rakbee kamrangko ka·aha ineba Chief Minister, Sohiong constituency-o NPP-ni candidate-na campaign ka·engmiting somoio aganaha.
