Wednesday, February 21, 2024

NPP, PDF bakrimna soi ka·ako ‘bia ka·jok’ ine CM parakata

Date:

Share post:

spot_img
SHILLONG: NPP-ni national president aro chief minister Conrad K Sangma, Sonibar salo kobor ra·timgiparang baksa agangrikataon, “People’s Democratic Front (PDF) aro National People’s Party (NPP) batanggimin bilsi bongarangonin mikcha-ka·sagrike dongengachim da·o bon·kamao bia ka·-srangjok” ine aganataha.
“Da·al bia ka·chotaha, indiba ka·sagrikani golpode batanggimin bilsi bong-arangonin a·bachengaha. Chingni miksonganirang apsan aro a·dokna dangdike on·na re·mik-kangnirang apsana” ine Chief Minister, PDF-ni president Gavin Miguel Mylliem baksa bakrimna (merger) document-o soi ka·ani ja·man parakataha.
PDF-ni general executive council, uamangni sakgni MLA-rang- party-ni president Gavin Miguel Mylliem aro working president Banteidor Lyngdoh-uamang baksa Sonibar salo NPP baksa bakrimna document soi ka·grikao bak ra·angpaha.
Indake ong·engon merger ba bakrimna soi ka·gipa document-o PDF, a·doko ILP-ko ra·gatna nangnika-niko janapaha, una agreba interstate boundary ba sima arini bidingko tom·tomatna, Roster system-ko ra·gatna, Khasi ku·sikko constitution-ni eight schedule-o napatna ba uandakgiparangko janapa-ha. NPP baksa bakrimna skang PDF, ia dabia-nirangko donaha, jekon PDF president Gavin aro NPP National President aro Chief Minister Conrad K Sangma-  uamang soi ka·grikangaha.
Dolgni party-an meligrik-gipa aro u·ichakgrikgipa ong·a, ‘maini gimin dol dingtang dingtang ong·aha’ ine anga aganrongachim ine Chief Minister parakangaha.
“Jeba ong·bo batanggimin salrango je obostarangni a·sel bakrimna chol ong·jahachim, indiba Nokgipani chanchisoanian dongakon ine anga bebera·a, uan chingko da·alo apsan ong·ataha, ine aganangkuaha.”
NPP, a·songni 6th ba dokgipa national party-rangoni dolsa ong·a, Manipur-o chingni sak 7 MLA-rang donga aro chinga apsan melie kam ka·enga. Da·omangba NPP, Manipur-o jachange donggipa student-rangko rimbana kam ka·enga ine CM parakaha.
Uandake NPP national vice president aro Deputy Chief Minister, Prestone Tynsong-ba tom·anio bak ra·angaha aro PDF baksa bakrimna soi ka·aniko bia ka·ani certificate ine janapataha.
“Sakgni manderang bia ka·ani certificate-ko soi ka·aha. Da·ode Gavin aro Conrad Sangma- uamang apsan ong·aha, aro bilakbataha, ine Tynsong aganaha.
spot_img

Related articles

Free medical camps by BSF benefit locals

SHILLONG, Feb 20: The ‘Seema Praharis’ of BSF Meghalaya, as part of their continuous efforts to safeguard the...

AHAM broaches issue of Adokgre’s C&RD Block

Tura, Feb 20: The Achik Holistic Awakening Movement (AHAM), Adokgre region unit in North Garo Hills (NGH) has...

VPP — Where is the party heading?

Editor, The ongoing Assembly session and issues of the recent past, have now warranted to try and question the...

Bob’s Banter

By Robert Clements Just Plain Coffee Thoughts..! Was wondering whether to write on politics or plain humour, when I found...