SHILLONG: Khasi Students Union (KSU)-ni gital dilgiparangko seokna gita re·anggipa Sonibar salo, dingtangmancha election-ko ong·atangaha aro ia election-ko ong·atanio Lambokstarwell Marngar KSU-ni president aro Donald V Thabah, general secretary-na seokako man·piltaiaha.
Biangbor L Paliar-ba KSU-CEC-ni vice president-na seokako man·piltaiaha.
KSU-ni election-ko ong·atanio gimik dol 551 unit-rangoni sak 5,177 membor-rang, dilgiparangko seokanio bakko ra·angaha aro ianoni king 373 vote-rangkode cholija ine chanaha.
KSU election committee-ni chairman Danny Khyriem-ni parakatani gitade, ia election-o gimik sak 33 candidate-eang susaaha aro sak 33-oni sakgittamde susaskagiparang dongjae seokako man·piltaiaha.
Election-o seokako man·gipa gipin dilgiparangara, assistant general secretary-na A Najiar, education secretary-na Pynkmenlang Sanmiet, sports and cultural secretary-na Eric A Nongkynrih, environment secretary-na Shiningstar Kharbhikhiew, information and publicity secretary-na Pynshaiborlang Rani, office secretary-na Spaindarsing Lyngkhoi aro organising secretary-na Raymond Kharjana ong·a.
