U·IATTIMGIPAONI
AMPATI: South West Garo Hills a·jao District Commerce & Industries Centre (DCIC)-ni salgnina ong·atenggipa 7-gipa Annual District Level Industrial Exhibition-ko Bristibar salo, Ampati bazaar sambao donggipa Multi Facility Centre-o, South West Garo Hills a·jani Deputy Commissioner RP Marak, a·bachengate on·angaha.
Ia Industrial Exhibition-ko do·ga oe on·angani somoio Deputy Commissioner RP Marak, exhibition-o mesokenggipa dingtang dingtang stall-rangko niangenba, jolo bading chiwale cha·enggipa manderangna didianirangkoba on·angaha.
DCIC official-rangni u·iatani gitade, South West Garo Hills a·jao ba·ra sika koani, ba·ra dokani, kilding dol·ani, re aro wa·ani bosturangko tariani aro da·o bija bitchirangkoba tarina gisik nanggipa manderang dongengahani gimin ia kamrango bang·a manderangan janggi tangani cholrangko ra·na man·enga.
Ia exhibition-o PMEGP-ni namgniko man·enggipa manderang, Selsella Cashew Cluster-ni stall ge·gni, District Agriculture Office, District Horticulture Office aro Fisheries office-ni stall-rangkoba nikna man·enga.
