NEHU Tura campus-o ‘AGRI Vision’ magazine-ko opraka

TURA: Sonibar salo, North Eastern Hill University (NEHU) Tura campus-ni ning·o donggipa Biotech KISAN Hub aro Bio-Resources Development Hub-ni skanggipa ‘AGRI Vision’ magazine-ko oprake on·angaha.
NEHU Tura campus-ni ning·o donggipa Biotech KISAN Hub aro Bio-Resources Development Hub-ni skanggipa ‘AGRI Vision’ magazine-ko NEHU-ni Vice Chancellor Prof Prabha Shankar Shukla oprake on·angaha aro ia magazine-ko oprake on·angani somoio NEHU Tura campus-ni Campus-in-Charge Prof Sujata Gurudev, Biotech KISAN Hub aro Bio-resources Development Hub-ni Project Coordinator Dr Arindam Barman aro NEHU Tura Campus-o kam ka·gipa gipin manderangba dongpae bak ra·angaha.
Ia ‘AGRI Vision’ magazine-ara gama ge·ani aro uandakgipa kamrango nangchakgipa dingtang dingtang a·barango ong·enggipa kamrangni gimin songni nokni manderangna aro dingtang dingtang gadangni dolrangna talataniko on·na tarigimin magazine ong·a.