Saturday, July 12, 2025
spot_img

A·dokni RP-ko SC den·galode a·doknan gimaani ong·gen: Edu Minister

Date:

Share post:

spot_imgspot_img

SHILLONG: Meghalaya a·dokni reservation policy-o da·o dipet Tribal-rang 85 percent biapko man·engani gimin ia reservation policy-ko nipiltaichina dabianio Supreme Court, den·galna nanggenchimode a·doknan gimaani ong·gen ine Bristibar salo, a·dokni Education Minister Rakkam A Sangma mikrakataniko on·angaha.
Meghalaya a·dokni Reservation Policy-ko gital dake nipiltaichina dabie, Nongkrem-ni MLA Ardent Miller Basaiawmoit, okumu chake jingjengatengani gimin, uni iandake politics kal·e mesokaniko dontongchina Sangma didiataha.
Education Minister-ni parakatani gitade, 1992 bilsio Indira Sawhny-ni case-na raiko on·anion Supreme Court, reservation policy-o 50 percent-na batjachina hukumko on·angahachim indiba da·o dipet Meghalaya a·dokode Tribal-rang 85 percent-ko man·engkuani gimin namen rasong gnanggiparang ong·kuengachim.
Meghalaya a·doko Khasi-Jaintiarang 40%, Garorang 40% aro gipin Tribal jatrang 5%-ko man·e Tribal-rang gimik 85 percent reservation-ko man·enga ine Sangma talataniko on·angaha.
Voice of the People’s Party (VPP)-ni job reservation policy-ko gital dake nipiltaichina dabianiara mikkangchi a·dokni chatro chatrirangna gimaaniko ra·banaba gnang ineba ua mikrakataniko on·angaha.
Maharashtra a·doko gita Meghalaya a·dokni reservation policy-ko Supreme Court den·galna nanggenchimode a·dokni manderangnan gimaani ong·gen ineba Education Minister parakataha.
“Uni gimin da·alo an·chingni chanchigija ja·ku de·anichi mikkangchi ong·gniko ma·sichakchina anga a·doko songdongenggipa manderangko aro dingtang dingtang dolni dilgiparangko mol·molenga. Iandake politics kal·e mesokanichi an·ching wa·alko kal·ake roani gitasa ong·enga aro ian VPP-ko man·chape an·ching pilakkon wa·al kamnaba gnang,” ine Sangma mikrakataha.

spot_imgspot_img

Related articles

M’laya’s tax share surges 572% to Rs 48,883 cr in 10 years: FM

SHILLONG, July 11: Union Finance Minister Nirmala Sitharaman on Friday highlighted the significant increase in central financial support...

FM eulogises traditional Khasi wisdom

SHILLONG, July 11: Union Finance Minister Nirmala Sitharaman was all praise for the traditional wisdom of the Khasi...

Sitharaman lays base for projects worth Rs 1,400 cr

SHILLONG, July 11: Union Finance Minister Nirmala Sitharaman on Friday virtually laid the foundation for several key projects...