SHILLONG: Da·al Sukrobar salni bako, Meghalaya Board of School Education (MBOSE)-ni Secondary School Leaving Certificate (SSLC) aro Higher Secondary School Leaving Certificate (HSSLC) Arts porikkarangni result-ko parakna siengani gimin da·al aro knal Sonibar salni bakoba load shedding-ko ba bijoliko kimitjachina gita Voice of the People’s Party (VPP), NPP-chi dilenggipa MDA 2.0 sorkariko didiataha.
Result-rangko parakatani ja·man skul aro college-rang, chatro chatrirangni mark sheet-rangko print ka·na aro gipin nangchongmotgipa kamrangko ka·na man·na gita ia salgnini gisepo bijoliko kimitjachina VPP didiataha.
“HSSLC Arts aro SSLC porikkani result-rangko parakengahani gimin da·o chatro chatrirang, chubata gadangrango poraiangna gita admission-rangko ra·na nanggnok. Result-rangko parakatani ja·man skul aro college-rang, chatro chatrirangni mark sheet-rangko aro gipin nangchongmotgipa lekkarangko chapa ka·na bijolirangko nanggen, uni gimin ia salrangni gisepo bijoliko dontonggija on·china chinga nangnikenga,” ine VPP parakataha.
Comments are closed.