JRP-ko nipilosa Ardent okumu chakako dontonggen

SHILLONG: A·dokni Reservation Policy-ko nipilchina okumu chake jingjengatenggipa VPP chief Ardent Basaiawmoit-ko, Cabinet Minister Ampareen Lyngdoh mija Sukrobaro grongenba uni okumu chakako dontongchina gita aganaha indiba RP-ko nipilosa uni okumu chakako dontonggen ine Ardent aganchakaha.
VPP-ni dabienggipa job reservation policy-ko A·dok sorkari nipilna ku·rachakosa uni okumu chakako dontonggen ine Basaiawmoit aganaha jean arigri okumu chakaniko dakenga.
Okumu chakaniko dontongchina mol·mole aganengon, job reservation policy-ko nipilgen ine sorkari ku·rachakosa VPP, uamangni okumu chakaniko dontonggen ine Basaiawmoit, Cabinet Minister Ampareen Lyngdoh-na aganchakaha.
“MDA sorkari, JRP-ni gimin agangrikna okamode chinga tarie donga,” VPP chief aganaha.
Chinga roster system-ni giminde agangrikjawa, reservation policy-ni gimin agangrikna okamosa ong·katgen ineba Basaiawmoit aganaha.
‘‘Angnade jajrengna nangja indiba a·dok aro mikkangchini chadamberangnasa jajrengbo. Anga janggitangko a·doktangna on·naba taria,’’ Basaiawmoit, Minister-na aganaha.
Cabinet Minister aro BJP dilgipa AL Hek-ba Basaiawmoit-ko grongaha, aro a·dokni manderangna badia nambatgen uko sorkari dakon nambata ine Hek aganaha.