New Delhi: Gram Dak Sevaks-ni ge 500 aro gipin post-rangko mikkangchi ta·raken parakatnasiengani gimin parakate, Chief Minister Conrad Sangma, gipin songsul a·dokrango gitan Meghalaya-ni candidate-rangkoba joltango agangipa ku·sik Garo aro Khasi ku·siko porikkako sena cholko on·china ma·mong sorkariko mol·molataha.
Union Minister for Communication Ashwini Vaishnaw-na chittiko seatgipao Sangma, ma·mong sorkariko, Meghalaya-o agangipa jolni ku·sikko niate, Department of Post-na draft model notification-ko amend ka·china agan-ku·pattiataha. Gipin a·dokrang jekai Assam, Manipur aro Mizoram-o Hindi aro English ku·sikrangna agreba joltangni ku·sikko basena chol on·a gitan, Meghalaya-oba Garo ba Khasi-ko basena cholko on·china mol·molataha.
“Bangbang ong·e donggipa post-rangna manderangko ra·anggen, uni gimin Meghalaya-ni mol·molaniko nirokangchina mol·molatenga, maina ian chingni a·dokni kamgri ong·e dongenggipa skia pora man·giparangna kam man·anio chol ong·gen, ine Chief Minister aganataha. Federeation of Khasi Jaintia and Garo Hills (FKJGP)-ni ia mamlako chief minister-ko nirokatchina mol·molani gimin CM, ma·mongna chittiko seataha.
Communication Ministry, Department of Post, Meghalaya-ni dingtang dingtang post office-rango ge 445 Gramin Dak Sevaks, Branch Post Masters aro Assistant Branch Post Master-ni post-rangko gapatna sanction ka·aha, ia post-rangko gapatna recruitment process-ko ta·raken a·bachengatgen.
Minggipin gipin a·dokrangoni jemangan Meghalaya-ona kamna re·batoka, uamangoni bang·batan re·bana siktokja, aro jemang re·baa, uamangba an·tangtangni a·doktangona katna jotton ka·a, iarangni giminba Meghalaya-ni mitam songadam jolrango BPO-ko kulina ja·manchaka, ine CM, aganangkuaha.
Postal recruitment joltangni ku·sikchi porikka sena cholko on·china CM, mol·molata
Date:
Share post:
