TURA: West Garo Hills a·jao Rural Development Ministry aro dingtang dingtang ministry-rangni ning·o ra·gatgipa scheme-rangko nipilangna gita Budbar salo, Tura-ni MP Agatha K Sangma, District Development Coordination & Monitoring Committee (DISHA)-ni tom·aniko Tura-ni Circuit House-o ong·atangaha.
Ia tom·aniko a·bachengatanio Tura-ni MP, dingtang dingtang department-ni officer-rangna aganprakengon, jolo namroro silroroanina aro manderangni namgnina ma·mong sorkarini ra·gate on·gipa scheme-ni kamrangko nipilna gita nangchongmota ine parakataha. Kamrangko ka·engon, maming dongnuani gri ong·na aro kamrangko nambate chu·sokatna gita pilak department-rangkon nangrime kam ka·china gitaba ua didiangaha.
Ia tom·aniko ong·atanio dingtang dingtang department-rang, an·tangtangni jako ra·e ka·enggipa scheme-rangni gimin report-rangko on·angaha.
Ia tom·anio ma·mong sorkarini ra·gatgipa scheme-rang, jekai DRDA-ni ning·o ka·enggipa MGNREGS, PMAY, National Social Assistance Scheme, NRLM, Development Branch-ni ning·o ka·enggipa MPLADS, Tura Municipal Board-ni ning·o ka·enggipa Swachh Bharat Mission, DDU-GKY, Supply Department-ni Food Security Act, DCIC-ni PMEGP, Agriculture department-ni RKVY aro PMKSY, ICDS, SSA, MDM scheme, PWD-ni PMGSY aro Highways, DM&HO-ni National Health Mission, Soil & Water Conservation aro Water Resorces-ni PMKSY aro uandakgipa dingtang dingtang scheme aro program-rangko Tura-ni MP nipilangaha.
Ia tom·anio dongpae bakko ra·anggipa gipin manderangara, Rajabala-ni MLA Mizanur Rahman Kazi, DISHA-ni Membor Silme Ch Marak, MCCL-ni vice chairman Dabo Mrong Marak, West Garo Hills a·jani Deputy Commissioner Jagdish Chelani, Tura Municipal Board-ni Chief Executive Officer Rikse R Marak, DRDA-ni Project Director Dolrich BG Momin aro gipin officer-rang ong·a.
