Monday, March 3, 2025
spot_img

GH-o lekka porani obostako nipiltaina sorkari committee-rangko songdapgen

Date:

Share post:

spot_img
spot_img

SHILLONG: Meghalaya a·doko aro mongsongbate Garo Hills-o lekka porani gita namen ja·manchakengani gimin obostarangko nipilna gita a·dokni Education department, committee-rangko songdapna manchiangaha.

“SSLC porikkako seanio Garo Hills-oni bewalan chubata gadangko man·e pass ka·tokahani gimin anga topper-rangko aro skulni dilgiparangko skanggipa anga mittelchengna ska. Indiba Meghalaya a·doko aro mongsongbate Garo Hills-o chingni ka·dongsoenga gita result-rang sokdokujaenga,” ine a·dokni Education Minister Rakkam A Sangma parakataha.

Sangma-ni parakatani gitade, Education department-ni songgitcham committee-rangba dongani gimin Garo Hills-ni obostarangko skanggipa niangchenggen aro nambate am·sandina gita sorkari, committee-rangko songdapkugen.

“A·doko aro mongsongbate Garo Hills-o result-rang namjaengani gimin ian a·dokni aro department-ni gita namen jajrengna nangani ong·enga. Uni gimin obostarangko name am·sandina gita chinga committee-rangko songdapangkugen,” ine Education Minister aganaha.

Skulrangoni ong·kate poraigija dongenggipa chadamberang bang·engahani gimin an·tangni suk ong·gijaniko parakatengon, “Iaba chingni chanchina nangenggipa kam ong·enga. Haida skulrang ba skie on·ani bewalrangba nanga gita ong·jaengnaba gnang indiba ia pilakkon am·sandienba namatna gita nangenga,” ine Sangma aganaha.

Garo Hills-o bilsiantian SSLC porikkani result namjaenganiara namen jajrengna nangani ong·enga aro iani a·selko ma·sie ra·na gita bakan sorkari, dingtang dingtang skulni dilgiparangko grongegen ine Mongolbar salosan, a·dokni Education Minister Rakkam A Sangma parakatahachim.

Education Minister-ni parakatani gitade, ia committee da·o antisa antignirangni gisepon dingtang dingtang dolrang aro skulni dilgiparangko gronge agangrikna a·bachengatgnok.

spot_img
spot_img

Related articles

Portfolios yet to be finalised

SHILLONG, March 2: KHADC Chief Executive Member (CEM), Shemborlang Rynjah is yet to finalise the portfolios of the...

KHADC budget session from March 26

SHILLONG, March 2: The maiden budget session of the newly-elected VPP-led Khasi Hills Autonomous District Council will be...

HSPDP MDC denies extending support to NPP

SHILLONG, March 2: Lone HSPDP MDC in the KHADC, Srally Rashir has denied extending support to the opposition...

Seven rivers in state polluted: MSPCB

SHILLONG, March 2: Seven major water bodies in Meghalaya have been identified as polluted, raising concerns over water...