SHILLONG: Salgro-salaramjolni gipin adita dam a·dokrang baksa Meghalaya a·doko da·o re·baenga sal bonga salrangna mikka-chimarang jimbee waangkugen ine Indian Meteorological Department (IMD) mikrakataha.
IMD mikrakataniko on·a Arunachal Pradesh, Assam, Meghalaya, Nagaland, Manipur, Mizoram aro Tripura a·dokrangni diltugipa biaprango mikka kimpretan baksa namen jimbee mikkarang waanggen ine u·iataha.
Mijal Sonibar salo a·doko mikka waaniko department-ni serikani gita 1.8 mm ong·a.
IMD-ni aganani gita, salgipeng-saliramjolni mikka-chimarang central Arabian Sea, Kerala, Karnataka-ni mitam bakrangona aro Bay of Bengal-ni salgipeng-saliramjolni mitam bakrango, Bay of Bengal-ni salaramjol central gimikni bakrangoma, Bay of Bengal-ni salgrojolni bang·bata biaprango, Bay of Bengal-ni salgro-saliramjolni bang·bata aro salgro-salaramni bang·a a·dokrangon mijalo mikka waangaha.
Salgipeng-saliramjolni mikka-chima central Arabian Sea-ni mitam bakrangona skange mikka waange obostarang nambataha, a·songni salgro-salaramjolni a·dokrangni adita gipin biaprango aro Sub-Himalaya-ni West Bengal aro Sikkim-ni mitam biaprango re·baenga konta 48-o waangkugen.
South West Monsoon, India-ni salgro-salaramni mitam biaprango Meghalaya-o aro salgro-salaramni adita gipin a·dokrango re·baenga sal bonga salrangna mikkarang waange mikka wagijagipa obostarang nambatna aro re·baenga salrango jimbee mikka waana ka·dongsoenga.
Indake ong·engon a·doko Sonibar mijalo kraa gitan mikka waako nikaha aro nikangkugen.
Salgro-salaram a·jolo re·baenga sal 5-na mikka waagniko IMD u·iata
Date:
Share post:
