SHILLONG: Meghalaya a·doko drugs ba pekatgipa samrangko jakkalani aro niam gri palsrukanirang batroroengani gimin Sombar salo a·dok sorkari, adita niamrangko ra·gatangaha.
Sombar salo, a·dokni Social Welfare Minister Paul Lyngdoh, dingtangmancha iani bidingo tom·aniko ong·atangaha aro ia tom·anio dingtang dingtang police official-rang bakko ra·angaha.
Tom·a matchotani ja·man kobor ra·timgipa manderang baksa agangrikengon, a·doko drugs jakkalani aro niam gri badinganiko champenganio NDPS Act-o adita olgrokanirangko nikna man·engani gimin a·dok sorkari, nangchongmotgipa niamrangko ra·gatna nangao ga·akaha ine Social Welfare Minister parakataha.
Drugs Reduction, Elimination & Action Mission (DREAM) project-ko ra·gataha ine parakatengon, drugs badingenggipa manderangko skanggipa jagittamna aro ja·mano bilsisana bariate pattoko donna gita Prevention of Illicit Traffic in Narcotic Drugs & Psychotropic Substances Act 1988-koba a·dok sorkari ra·gatna tik ka·angaha ine Lyngdoh parakataha.
Meghalaya a·doko pekatgipa samrangko jakkalanio bilongbatenggipa damsni a·jarang donga ine janapatengon, ia a·jarangara East Khasi Hills, West Jaintia Hills, East Jaintia Hills, West Khasi Hills, Ri Bhoi, West Garo Hills aro South Garo Hills a·jarang ong·a ine Social Welfare Minister parakataha.
Meghalaya a·dokni damgittam a·jarango a·dokchi chalaigipa de-addiction centre-rangko a·dok sorkari kulina tik ka·aha ineba Lyngdoh parakataha.
A·doko drugs jakkalani aro palsrukaniko bon·atna a·dok sorkari ja·kuko de·a
Date:
Share post:
