SHILLONG: G20 Janbhagidari program-na tarisamsoani bak gita National Education Policy (NEP) 2020-ko ra·gatani bidingo salgnina National Workshop-ko ong·atenga aro ia workshop-ko Mongolbar salo a·bachengatangaha.
Ia workshop-ko Meghalaya sorkarini Directorate of Elementary & School Literacy-ni dakchake on·anichi, Shillong-ni Sankardev College-o donggipa IQAC aro History, English department-rang, Education department-ni State Education Mission Authority of Meghalaya-ni Samagra Shiksha Abhiyan (SSA) baksa nangrime ong·atenga.
Ia workshop-ko a·bachengatanio a·dokni Arts & Culture Minister Paul Lyngdoh, mongsonggipa sokgipa ong·e bak ra·angaha aro unbaksana Sankarde College-ni Principal Dr Eureka FP Lyngdoh aro gipin official-rang aro skigiparangba bakko ra·angaha.
Ia salgnina ong·atenggipa workshop-o NEP 2020-ni bidingo skie on·enggipa manderangara, Odisha NCERT, Regional Institute of Education, Education department-ni Head Prof Laxmidhar Behera, NEHU Shillong-ni ning·o donggipa Education department-ni Prof C Nongbri, Shillong NCERT NERIE-ni ning·o donggipa Extension Education department-ni Professor aro Dean (R) Dr (Mrs) Balaiada R Dkhar, Shillong CTE (PGT)-ni Assistant Professor Dr (Mrs) Bahunlang Tron aro gipinrang ong·a.
