Monday, January 6, 2025
spot_img

Rewak songni hanging bridge nosto ong·e neng·nikanirangko man·tokenga

Date:

Share post:

spot_img
spot_img

TURA: South Garo Hills a·jani Rewak songo Simsang chibimako kabatgipa hanging bridge ba dingdegipa jal·lang nosto ong·ahani a·sel Simsang chibima nalsao donggipa manderang aro mongsongbate skulrangchi re·enggipa chatro chatrirang neng·nikanirangko chagrongna nangtokengaha.
Kobor on·timgiparangni u·iatani gitade, ia jal·lang re·anggipa June 17 tariko, mikka balwa ta·rakangani somoio nosto ong·atako man·aha aro Simsang chibima nalsao donggipa songrangona gipin re·a doani cholrang dongkujae, ia songni manderang aro mongsongbate skulrangchi re·enggipa chatro chatrirang da·o ringrangosa Simsang chibimako chobate skulrangchi re·na nangtokenga.
Simsang chibima nalsao donggipa manderangni namgnina ia hanging bridge-ko ta·raken taripile on·china sorkariko didiatengon, re·anggipa 2022 bilsio South Garo Hills a·jani dingtang dingtang biaprango chi bananiko nina re·baani somoio a·dokni Chief Minister Conrad K Sangma an·tangan ia jal·langko nambate tarie on·na ku·rachakangahachim indiba da·alonan ia jal·langrangko taridape on·na dongkujaenga ine songni manderang parakataha.
Ia sal somoirango mikkarang dontonggija waengahani gimin Simsang chibima dal·bae, ringrango chobatenggipa manderangna kenchakna nangani ong·enga ineba jolo songdongenggipa manderang parakataha.

spot_img
spot_img

Related articles

Ralph Lauren, Michael J Fox to be honoured with Presidential Medal of Freedom

Renowned fashion designer Ralph Lauren and actor Michael J Fox are among the personalities who would be awarded...

Cultural beliefs a challenge for cancer care in M’laya: Study

SHILLONG, Jan 5: Cancer care in Meghalaya is not just a medical issue but a social and cultural...

Help NE farmers get access to mainland: Ampareen to Centre

SHILLONG, Jan 5: Agriculture Minister Ampareen Lyngdoh requested the Centre to provide subsidies in logistics to help farmers...

CAG detects anomalies in appointments in KHADC

SHILLONG, Jan 5: The Comptroller and Auditor General of India (CAG) report for the year ending March 31,...