SHILLONG: HNLC, Ma·mong aro a·dok sorkari dolgittamni agangrikanio dosi chanaoniko jakgitel watanian mongsonggipa ong·enga, je agangrikaniko mijalo Umiam-o a·bachengataha aro aganchakanirang chu·sokna ka·dongenga.
“HNLC bobil dolni memborrangni aro dilgiparangni kosako je ong·gija kamrangko ka·ani dosirangko segatahachim, uarangko jakgitel watchina gita agangrikanirangko dakaha, je mokordomarangko sorkari uamangni kosako segatman·enggnok,” HNLC-ni palo agangrikenggipa Sadon Blah, tom·ani ja·mano aganaha.
Uni aganani gitade, mokodomarangko segatani rokomgni donga, skanggipa a·dokni gadango aro gnigipao ma·mongni gita segatanirang.
“Da·o dipet indake aganna man·gen je Ma·mongni gita mokordoma segatanide NIA charge sheet-an ong·gen jeon NIA-ni gita bobil dolni chairman aro secretary-ko man·chape gipinrangko bichalna okamenga aro ian tom·tomanina agangrikaniko ja·donggaatenga,” Blah aganaha.
“Gnigipa charge sheet-ara state authority-rangni segatgipa ong·enga. Bobil dilgipa memborrangni kosako dingtang dingtang distirct-rango police department-ni gita bang·a mokordoma segatgiminrang donga. Unigimin da·alo agangrikanide, ia charge sheet-rangko Sorkari ge·gnian watenba maikae tom·tomanina agangrikanio re·mikkangna man·gen iani gimin ong·a,” Blah aganaha.
Chanchirimanirango State aro central representative-rangni aganchakani namen nama ine aganengon, “Charge sheet-rangko niam gita watanirang donggen aro uamangni kosako segatgimin charge sheet-ko watani gimin chanchipilaniko dakenba sorkari u·iataniko dakgen,” ua aganaha.
Unomitingo iani bidingo Sorkarini seachi u·iataniko senggen ine HNLC vice-chairman Manbha Rynjah aganaha.
Indakeba u·iata je A K Mishra aro Peter Dkhar mang ma·mongni palo, Ronnie Wahlang A·dok Sorkarini palo aganchakaniko dakenga, jeon Blah, HNLC bobil dolni palo aganchakenga.
