TURA: Tura Public School-ko namdapatna nangenggipa dingtang dingtang kamrangni bidingo skulo poraienggipa bi·sarangni ma·a paarang, a·dokni Education Minister Rakkam A Sangma-ko grongenba, memorandum-ko on·angaha.
Tura Public School-na full fledged principal-ko songe on·china Minister-ko didiatengon, ia skulni gitcham principal, 2019 bilsini February jaon kamoni neng·takangahachim indiba da·alonan gital principal-ko songkujaenga ine ma·a paarang janapatenba, ia skulni principal-ko ta·raken songchina mol·molataha.
2019 bilsini August jao, Council of Indian School Certificate Examination (CISCE)-ni ge·etanio pangchake, Tura Public School-oba 10+2 Science Stream-ko a·bachengatchina gita ma·a paarang, a·dokni Education Minister-ko didiataha.
Tura Public School-o skigipa sakbonga aro gipin kamrangko ka·gipa sakbri manderang kamoni neng·takangani ja·man, ia kamrang bangbang ong·e dongna gita nangkuenga ine janapatengon, skulo poraienggipa bi·sarangni namgnina ia kamrangko ta·raken gapatchina gita ma·a paarang didiataha.
Tura Public School-na skul nok, kal·chakram, boundary wall aro tengkirangko rike on·an baksana skulo bang·bata chatro chatrirangna biapko on·china gitaba ma·a paarang didiataha.
Indake ong·engon, skulo poraienggipa bi·sarangna naljokaniko on·na man·na gita NH-51 PWD main road-oni skul compound gita Polytechnic-ona dingtang ramako tarichina gitaba ma·a paarang, a·dokni Education Minister-ko didiataha.
Batanggimin somoirangoba Tura Public School-o poraienggipa chatro chatrirangni ma·a paarang, apsan daken sorkarina memorandum-rangko on·angahachim indiba da·alona uamangni mol·molanirangko sorkari chu·sokate on·kujaengachim ine nikna man·a.
Tura Public School-o poraienggipa bi·sarangni namgnina ma·a paarang ku·rang on·a
Date:
Share post: