TURA: Re·anggipa Bristibar salo, Garo Hills Environment Protection Society (GHEPS), Goeragre-o donggipa 2nd MLP Battalion, Rongram C&RD Block, Rongram Allagre Baptist Mondoli, Rongram Nepali Baptist Mondoli, Te·bronggre aro Chibra Goeragre Bpstiat Mondolirang aro Rongram Bazar Committee baksa nangrime, environmental awareness program-ko ong·atangaha.
Ia awareness program-ko Rongram Allagre Baptist gilja noko ong·atanio GHEPS-ni president Dr Merril N Sangma, jinmana aganprakangengon, buring bolgrim donggipa a·bri totprakko kange ra·enba, ia a·briko ripingchina aro chel·chakchina gita jolni manderangko didiangaha. Noktangtango bagan barirangko dakana bate buring bolgrimrangonikon an·ching me·su samjakrangkoba man·na ama ineba Dr Sangma aganaha.
Joltangtango man·gipa na·tokrangko ripingna man·na gita songantion na·tok jilani pokkrirangko kitchina gita manderangko didiangengon, buringo donggipa sam bolrangna aro do·o matrangna ka·sachina gitaba GHEPS-ni president didiangaha.
Ia sal somoirango china neng·nikanirangko man·na nangtokengahani gimin janapatengon, chiara mandena nangchongmotgipa ong·ani gimin ian sonana bateba gamchatbatgipa ong·a ine Dr Sangma parakataha.
Ia tom·anio dongpae jinmana aganprakanggipa gipin manderangara, GHEPS-ni advisor aro gitcham DC HB Marak, GHEPS-ni vice president Durasal Marak, GHADC-ni gitcham CEM PK Sangma aro gipinrang ong·a.
Awareness program matchotani ja·mano dingtangmancha Rongram bazar-ko jinma rongtalatangjolaha.
Rongram-o GHEPS-ni gita environmental awareness program-ko ong·ata
Date:
Share post: