SHILLONG: Ia antioba Meghalaya a·dokko man·chape salgro salaram jol gimikon mikkarang wagniko Indian Meteorological Department (IMD) agansamsoahani gimin re·baenggipa July 7 tarikona kingkingde a·doko mikkarang jime waangkunaba gnang.
IMD-oni u·iatani gitade, ia sal somoirango mikkarang warongengan baksana Bay of Bengal-o balminduri balani a·selba salgro salaram a·dokrango mikka balwa ta·rakaniko bariatnaba gnang.
July 7 tarikona kingkingde India a·songni salgro salaram jolrango komie ong·jaoba kraa gitan mikkarang waangkugen ine IMD parakataha.
IMD-ni parakatani gitade, ia salbongani gisepo, Meghalaya, Assam, Arunachal Pradesh, Nagaland, Manipur, Mizoram aro Tripura a·dokrango 64.5 mm-oni 224.5 mm ong·e mikkarang waangani cholrang donga.
