SHILLONG: Meghalaya State Commission for Women (MSCW)-ni gital chairperson-ko seokna gita a·dok sorkari, search committee-ko songe donangaha ine a·dokni Social Welfare Minister Paul Lyngdoh parakataha.Iani bidingo kobor ra·timgiparangna u·iatengon, ia search committee-ko dilna gita Social Welfare department-ni Commissioner & Secretary-ko convenor-na songaha ine Lyngdoh parakataha.
Social Welfare Minister-ni parakatani gitade, ia committee-o sakgittam sorkari official-rang membor ong·gen aro dingtang dingtang college-ni sakgittam principal, non-official membor-rang ong·skagen.
Uni kosako MSCW-ni gitcham chairperson Phidalia Toi-ni legal notice on·gipani giminde Lyngdoh, mamingkoba aganna gita jechakskaaha.