U·IATTIMGIPAONI
SHILLONG: A·doko Education ba lekka porani a·bao chagrongenggipa obostarangni aro neng·nikanirangni bidingo chanchirimaniko dakna gita, dal·batgipa officer-rangko man·chape MHRD-ni dolsa memborrang Meghalaya-ona wenbagen.
Iani bidingo parakatengon, A·dokni Educat sector-ni bidingo chanchirimaniko dakna gita MHRD Minister, uni dal·batgipa officer-rangko Meghalayaona watattokenga ine Education Minister Rakkam Sangma aganaha.
Nipilaniko dakna tom·aniko ong·atanide July 20-na skangan ong·achim. Ia tom·anio, CUET Centre, SSA teacher-rangni neng·nikani aro State University, iarangni bidingo chanchirimaniko daknaba gnang.
Unomitingo CUET senagipa chatro-chatrirangna mikkang bilsiode Shillong, Jowai aro Tura-o CUET centre-rangko man·gnok, jeon ia bilsiode bang·a chatro-chatrirangkon a·songni dingtang dingtang biaprango CUET porikkarangko sena ga·akatahachim ine nikna man·a.
