Shillong Airport-o man·enggipa neng·nikaniko janape Chief Secretary-na chittiko authority seata

U·IATTIMGIPAONI
SHILLONG: Ruut somoina donchipgipa Airport-ni dingtang dingtang neng·nikgiparangni bidingo Shillong Airport, Chief Secreatry-na chittiko seataha. Shillong Airport-oni dingtang dingtang biaprangona aro Shillong songjinmani gisepo donggipa biaprangona Taxi parako tik ka·angan baksana gari bus wataniko Chief Secretary a·bachengatchina Airport nangnika.
RCS policy-ni ning·o Deployment of State Police baksana Shillong bypass ramaoni Terminal Building-ona joljol rama tariako Airport authority-rang nangnikenga.
2017 bilsio, Shillong Airport-o a·dokni police sipairangko donangna Meghalaya sorkari chanchiaha aro chanchigimin gita ge-69 post-rangko ma·sia aro iani bidingo da·onaba kamrangko ka·angkujaenga.
Ian mongsongbate Airport-ni songjinmako chelchakanina nianio songrangni rama  rangko gipin gita watskana  Airport authority-rang nangnikenga.
Nanggijarangko ra·gale galangna ra·banio, RWY 22 Side-na champenggipa donggipako ra·galna jeon una tangkakoba gamanaha ine Chief Secretary-ko Airport sing·aha. Ri Bhoi a·jao RWY 04 aro dongkuenggipa RWY22 side-o champenga gita donggipako ra·galna Ri Bhoi District Administration-ni chamangiminko a·dok sorkarina on·manaha.
East Khasi Hills a·jani RWY 04-o champenga gita dake donggipako Joint team-ni gita ma·siangaha aro ianan East Khasi Hills District kamrangko ka·angengan baksa Airport-na kam ka·a bilongen ka·sindugaenga aro iako ta·rakatna nangengaha.
Airport-o kamrangko ka·angna aro bosturangko suplly ka·na KHADC trade licence-oniko jokatchina Airport nangnikenga.