SHILLONG: “Reach Teach and Learn: A Learning Enhancement Programme”-ni ning·o, mijalo Sankardev College Auditorium, Lumshatsngi Shillong-o skanggipa changna mingsa State Level Science Hackathon-2023-ko ong·atangaha. Ia programko Samagra Shiksha Abhiyan_SEMAM, Education Department-ni gita, Bhoomi Educational Consultancy, New Delhi baksa nangrime ong·ataha.
Meghalaya-ni Education Minister, Rakkam A Sangma, mongsonggipa sokgipa ong·e ia State Level Science Hackathon-2023-o bakko ra·aha aro Education Department-ni Advisor H.M. Shangpliang-ba dongpaaha. Unomitingo, ia programo a·dokni chel·gipa biaprangona chatro-chatrirangni re·bae bakko ra·eani gimin ua kusi ong·chakaniko aganaha. Bhoomi-ni director Manoj Kr. Mishra, Reach Teach Learn program-ko jinmana parake on·aha.
Ia Science Hackathon, dambe bi·sarangna mikaoatgipa ong·a, iandakgipa gadangni skie on·anirangko an·chingni chatro-chatrirangna nanga, jedakode mikkangchina an·tangtangko taridapna gita uamangni changa-sapanirangko ra·ongkatna man·gen, education minister aganaha.
Programo bakko ra·gipa chatro-chatrirangna certificate-rangkoba suale on·aha.
Science competition-o bakko ra·gipa sak 14 chatro-chatrirangoni, Pine Mount Govt. School-ni Miss. Nidhi Ghosh chegipa ong·aha, Govt Boy’s Hr. School, Shillong-ni Mr. Jeremy Mejop Rynghang 2nd runners-up, Little Star English Medium School-ni Miss. Elvareen Lyngdoh Kynshi 1st runners-up-ko man·aha.
