Shillong: Meghalaya Police Department, police-na kamo gital rimnapgiparang ba gital batch-ni police-rangna appointment letter-ko sualna, dingtangmancha ceremony ba tom·aniko ong·atangaha. Shillong International Centre for Performing Arts and Culture-o ong·atgipa tom·anio Chief Minister Shri Conrad K. Sangma, Deputy Chief Minister, Shri P. Tynsong, Dr. L. R. Bishnoi, IPS, Director General of Police, Shri. D. P. Wahlang, IAS, Chief Secretary, Shri F. G. Kharshiing, IPS, aro Smt. M. G. T. Sangma, IPS- uamang bakko ra·angtokaha.
Central Recruitment Board-ni, 1.5 lak applicant ba police-ni kamna galgiparangoni sak 1010 nambatgiparangko baseanio nambee kamtangko ka·anina Chief Minister, mittelangaha aro kamna gital seoka man·giparang police force-ni dal·a aro gamchataniko u·ie a·dokna aro a·songna dangdike on·gen ine ka·donganiko parakataha. Kamna rimnapa man·gipa chadamberang- Ibapalei Syiemllieh, Ferdinand Chyrmang, Jessica Kharbuki aro Meghna D Sangma- mangna Chief Minister, an·tangan officer-rangni dongpanio appointment letter-ko suale on·angaha.
Tom·anio aganprakatengon, Chief Minsiter Conrad Sangma, ‘kamo gital rimnapgiparangna nama sikaniko on·angaha aro mikkangchi kimkim ong·e kam ka·china didiangaha.
Gital batch-ni police-rangko department-o rimchaksoe Dr. L. R Bishnoi, IPS, Director General of Police, indine aganaha, “Police department-o gital seoka man·giparang ba gital batch-ni police-rang ia biapona sokbana adita ra·bianirangko chagronge chu·sokaniko man·e sokbaaha, uamangni be·en-bimang aro gisikni bilchi recruitment process-o chu·soktokaha. A·dokoniko dam 12 district-rangoni jemangan kamo rimnapa man·a, uamang pilakan an·tangni changa-sapa aro bilo pangchake sokbaaha.
Gital batch-ni police-rang, law enforcement team-ni membor ong·pae, da·ode a·doko niam ritiko tom·tome rakkina kimkim ong·e kam ka·tokgen ine ka·donga. Minggipin ia bilsini recruitment process-o 22.7 % me·chikrang bak ra·aha, iana anga kusi ong·bea. Una agreba anga Chief Minister Conrad Sangma-ko police force-ko bilakatna dakchakengani gimin mittelata ineba agangaha.
Indake ong·engon tom·a matchotani ja·man kamo gital rimnapa man·giparang national anthem ba gitko ring·angaha.
Police Department-ni gital batch-rangna appointment letter-ko suale on·anga
Date:
Share post:
