WILLIAMNAGAR: Tura-ko Winter Capital songchina dabie, East Garo Hills a·jao gari para salenggipa manderangni salsana gari salaniko dontonge jingjengatna manchianiko ra·galatpilaha ine East Garo Hills All Commercial Vehicles Association (EGHACVA) parakataha.
Tura-ko Winter Capital songchina dabianio bakrimaniko mesokna gita EGHACVA-ni ning·o gari para salenggipa manderangba da·al Budbar salo salsana gari salruraaniko dontonge jingjengatna manchiangahachim ine nikna man·a.
Indake ong·engon, Tura-ko Winter Capital songchina dabianio a·dokni Chief Minister Conrad Sangma-ba ka·dongatani kattarangko aganmanahani gimin EGHACVA-ni salsana strike ka·aniko dontongatpilaha ine association-ni dilgiparang parakataha.
